انتصر ياس حبي ................................!

السلام عليكم ورحمة الله وبركاته





انتصر ياس حبي وانتهى من رجايه

وابتدى الشك يظهر في خوافي ظنوني



الله يسامحك ماظنيت هذا جزايه

ليه تبكي عيوني يامضنت عيوني



احسبك ماتصدق في هواى الدعايه

يوم انا فيك ماصدق ولو يعذلوني



احسب انك بدربك ودي تمشي معايه

ليه تقسي عليا وانت قلبك حنوني



صار حبي وحبك ياحبيبي روايه

مثلوه العواذل عن لقاك ابعدوني



ليتني مادريت ولا عرفت النهايه

مير هذا مقدر لازم انه يكوني



لاتقولون ياعذال ويش السوايه

انشدو من بدى بالهجر لاتنشدوني



انشدو من علي صده تحطم هوايه

عقب ذيك الصداقه كن مايعرفوني



دايم ارعي خيالك في صباح ومسايه

واذكر اسمك وانا اللي في هواك مغبوني



عط حنانك لغيري لاتسئل عن عنايه

خل ذكراك ليا وانت لاتذكروني



ياقمر وين نورك غاب واظلم سمايه

ليه سود الليالي تحول دونك ودوني



والله انه مصيبه من بيجبر عزايه

مير في عز نفسي كل شي يهوني

شكرا على الموضوع
ويعطيك ربي الف عافيه