حبيبتي تشرب على الريق ببسي

**السامي** الثلاثاء أكتوبر 20, 2009 5:03 am

حبيبتي تشرب على الريق ببسي *_^
حبيبتي تشرب علـى الريـق بيبسـي
واليا تعشّـت ماكلـت غيـر كتكـات

حبيبتي حطّت علـى العيـن ورْسـي
وماتلبس الا من جديـد الموديـلات

نحيفة(ن) عـن كـل عـذرا تنّسـي
في حسنها قـد كلْبشتْنـي كلبشـات

احبهـا بـس الـعـرب ماتحـسّـي
والله يعيـن المبتلـي بالقصيرات

ياونتّـي ونّـات ســوّاق تكـسـي
زل النهـار وماحصـل لـه ريـالات

والا مريض(ن) علّتـه شـي نفسـي
مافاد بـه كـي العـرب والقـراءات

لاشفتها كنّـي مصـاب(ن) ابمسّـي
مثل المهبّل قمـت اقطّـع إشـارات

وليا حكت كنّي من النـاس خرسـي
أطرش .. خرس .. لو دوّسنّه تريلات

فيها حلا الأسبان وعطـر الفرنسـي
وفيها دلـع لبنـان وعـز الإمـارات

حلوه مثل طعم الكـرز والجالكسـي
مخلوط بالسكّر معه خمـس تمـرات

لوما تزوج (عجرم) وجاب (نانسـي)
يحق لـي أتـزوج ( أبـلا عطيّـات)

لاقلت : شكراً ، قالت البنت : مرسي
بنت الأفندي ناظـرت لـي بغمـزات

يجلدني الاستـاذ لااهملـت درسـي
مايـدري أنـي واقـع(ن) بالبنيّـات

ابكي واقول ان البلا كـان ضرسـي
يااستـاذ تكفـى لاتنقّـص علامـات

انا وقعت اليوم مـن فـوق كرسـي
ولاحصل لي مـن حبيبـي زيـارات

قالت: أنا ليلى ، وبسمّيـك : قيسـي
عطني شعر واعطيك ضحكه وبسمات

قالت: تجي لابـوي ثـمّ(ن) تمسّـي
بس المهر تاقـف عليّـا خفـارات!

قلت: اسمحي لي واعلني بـالmbc
تلقيـن غيـري يابنـيّـه حـثـالات

يشهد على ماقـول بيتـر وعبسـي
ونحّول ونامق بالرسـم والحراكـات

اليا حضرتوا يالربـع يـوم عرسـي
عنيّتـي منكـم كراتيـن كتـكـات

كلمات رسمت على شفاتي البسمه
فنقلتها لترسم البسمه على شفاتكم

عاشق الريم

[ندعوك للتسجيل في المنتدى أو التعريف بنفسك لمعاينة هذا الرابط]

**درة البحرين** الأربعاء أكتوبر 28, 2009 11:57 am

اليا حضرتوا يالربـع يـوم عرسـي
عنيّتـي منكـم كراتيـن كتـكـات

ولا يهمك ياخوي
بس كم كرتون تبي؟

يعطيك العافيه

**السامي** الأربعاء أكتوبر 28, 2009 3:26 pm

لحظه بفكر

ابي كرتون واحد من درة البحرين
والاعضاء كل ثنين بكرتون
اكيد راح تقولون كتكات غالي
بس اكيد يرخص لعيون اخوكم
عاشق الريم صح ولا لا

عاشق الريم

[ندعوك للتسجيل في المنتدى أو التعريف بنفسك لمعاينة هذا الرابط]