قصيدة المقهى

الراقي الأربعاء فبراير 10, 2010 3:05 am

السلام عليكم...
في احد الايام كنت انا وصديقي في المنامه
وعزمني على احد المقاهي ووجدنا في القهوه بنت
هي التي تقدم الطلبات وجاءت عندنا لترى مانريد
وبصراحه اعجبتني كثيرا فطلبت منها ان تآتيني بورقه
وكتبت فيها ماجال بخاطري
ارجو ان ينال اعجابكم وعطوني راييكم بصراحه
القصيده تقول
مريت مع خوي لي على مقهى النسيم ** واستقبلتنا بنية بالحيل مزيونه
بوجه بشوش يشبه البدر التمام ** كامله وبالحلا مكمله ..ثقيله ورزينه
ورموشها مدري خناجر ولا ريش نعام ** تمشي بدلع ..وبخطوه موزونه
وعطرها ورد جوري ..نرجس وشمام ** عنبر ونعناع اخظر وياسمينه
من جمالها يابشر مصيوب بسهام ** اتعثر بخطواتي والروح مغرومه
والعين من سحرها .. عيت تنام ** وخطواتي غصب خذني للمنامه
مارحت بشغل ..لكن لي مرام ** عساي اشوف الزين واسمع كلامه
هواها عشعش بروحي ,,بدمي والعظام ** وفز قلبي يوم قالتلي مع السلامه
ومن اجلها لوتعبت من المشي الاقدام ** اجي لديارها امشي على ايديا
وترخص لها الروح وسنين قدام ** وسنين راحت من زمان منسيه
اقتلتني يابشر وقتل العاشق حرام ** وياعساها تحن ولا تقسا عليا

وسلامتكم[/size][/b]